1 мамыр - Қазақстан халықтарының бірлігі күні ауданымыздың орталығы Шардара қаласында түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттау мақсатында мерекелік іс-шара өткізілді.
«Береке бастауы - бірлік, ел іші - тату тірлік» қағидасын ұстанған 3 ұлт өкілінен құралған «Шардара су электр станциясы» АҚ –ның еңбекшілері де өткізілген мерекелік шараға қатысты.
«Шардара CЭС» АҚ кәсіподақ комитеті
Шардара СЭС нысаны жаңғырту жұмыстарынан кейін алғаш рет электр энергиясын өндіру бойынша 126 МВт көлемінде белгіленген қуат деңгейіне жетті, барлық 4 гидроагрегат жұмыс істеп тұр.
18 наурыздағы жағдай бойынша Сырдария өзені бассейнінің Қазақстан аумағында нөсер жауын-шашынға байланысты сулылық деңгейінің күрт өсуі байқалады. Шардара су қоймасына келетін су ағысы екі күнде 700-ден 1200 м3/с дейін артты.
ҚР Экология, геология және табиғи ресурстар министрлігі Су ресурстары комитетінің өкімі бойынша су қоймасының көлемін 4,8-5,0 млрд м3 деңгейінде ұстап тұру үшін Шардара ГЭС турбиналары арқылы су шығыны 700 м3/с дейін ұлғайтылды, осыған орай су электр станциясының генерациясы өзінің белгіленген қуатына жетті. 18 наурыздан бастап 400 м3/с көлеміндегі суды бос ағызуға жол ашылды, Қызылқұм каналына су тарту көлемі 80 м3/с дейін ұлғайтылды.
СЭС-тың ең жоғарғы өткізу қабілеті – 1995 м3/с. Шардара су қоймасының ең үлкен жобалық көлемі-5,2 млрд м3.
Естеріңізге сала кетсек, осы нысанға иелік ететін «Самұрық-Энерго» АҚ 2020 жылдың соңында Шардара СЭС-ін толық жаңғырту бағдарламасын аяқтаған болатын. Жалпы құны 38 млрд. теңге болатын жоба аясында станциядағы барлық төрт гидроагрегат ауыстырылды. Ауқымды жаңғырту СЭС қуатын 100-ден 126 МВт-қа дейін ұлғайтты. Жаңа гидроагрегаттар су электр станциясындағы электр энергиясын өндіруді жылына 480 млн кВт*сағ. 537 млн кВт * сағ-қа дейін ұлғайтты.
Шардара су электр станциясы 1967 жылы 100 МВт көлемінде белгіленген қуат күішмен және төрт гидроагрегатпен пайдалануға берілген болатын. Норматив бойынша қызмет ету мерзімі 25 жыл болса, станция 50 жылдан астам уақыт бойы пайдаланылып келеді, бұл оның технологиялық жабдығы 100%-ке тозуына әкеп соқтырды. Жүргізілген жаңғырту жұмыстары су станциясының қызмет ету мерзімін 35-40 жылға дейін ұзартып, СЭС-ті пайдалану сенімділігін арттырып отыр.
Жобаның электр қуатына деген тапшылық байқалатын Түркістан облысын электр энергиясымен қамтамасыз ету және өңірдегі су ресурстарын пайдалану тиімділігін арттырудағы маңызы зор.
«Шардара су электростанциясы» АҚ-ы ұжымында көктемнің алғашқы мерекесі 8 – наурыз халықаралық әйелдер күніне орай, ұжымда еңбек ететін қыз-келіншектерді мерекесімен құттықтау іс – шарасы өткізілді.
Іс шара барысында әкімшілік пен кәсіподақ комитетінің өкілдері мереке иелеріне көктемнің гүліндей құлпырып, әсемдіктің, әдеміліктің, әдептіліктің иесі болуларына, бақытты да баянды өмір кешулеріне, дендеріне саулық, отбасыларына құт-береке, ауызбіршілік пен амандық тіледі.
«Шардара су-электр станциясы» АҚ кәсіподақ ұйымы 14 наурыз 2022 жыл
Шардара қаласында Кеңес әскері шектеулі контингентінің Ауған елінен шығарылғанына 33 жыл толуына байланысты жастарды патриоттық рухта тәрбиелеу, Отанды сүюге, қорғауға даярлау, Ауған соғысы ардагерлеріне құрмет көрсету мақсатында «Ерлікке тағзым» әскери-патриоттық апталығы өткізілді.
Бұл іс–шараға «Шардара су электр станциясы» АҚ тарапынан кәсіподақ комитетінің төрағасы Әлмахан Аманов қатысты. Ауған соғысына қатысқан, бүгінде Шардара қаласында тұратын сегіз жауынгердің отбасы ай сайын пайдаланған 250 киловатт электр энергиясының құнын «Шардара су электр станциясы» АҚ өтейді.
«Шардара су электр станциясы» АҚ кәсіподақ комитеті 14 наурыз 2022 жыл
Шардара қаласында «Шардара су электр станциясы» акционерлік қоғамы басқармасының кеңейтілген мәжілісі 2020 жылғы 17 наурызда өтті. Мәжілісте Басқарма мүшелері Ә.Ә. Берлібаев (Басқарма Төрағасы), Басқарма Төрағасының орынбасары – Бас инженер С. М. Сайманов, Басқарма Төрағасының қаржы-экономикалық мәселелер бойынша орынбасары Ә. Б.Үсіпбек қатысты. Мәжілісте Ә.Ә. Берлібаев төрағалық жасады.
Мәжіліске коронавирус инфекциясының таралуынан эпидемиологиялық ахуалдың асқынып бара жатуына байланысты жедел жауап беру және алдын алу шараларын көру мақсатында Қоғамда құрылған штаб мүшелері де қатысып отырды.
Күн тәртібінде Дүние жүзінде пандемия деп жарияланған коронавирус (штамм 2019-nCoV) инфекциясының Қазақстан Республикасына да таралуынан эпидемиологиялық ахуалдың асқынып бара жатуына байланысты жедел жауап беру және алдын алу шараларын көру туралы мәселе қаралды.
Осы мәселе бойынша Басқарма Төрағасы Ә.Ә. Берлібаев төмендегіні мәлімдеді:
Дүниежүзілік денсаулық сақтау ұйымы коронавирус (штамм 2019-nCoV) инфекциясын пандемия деп жариялады. Бұл дерт бүкіл адамзатқа қатер төндіріп келе жатыр. Осыған орай Қазақстан Республикасының Президенті Қ-Ж.К. Тоқаев елімізде Төтенше жағдай жариялады.
Коронавирустың Қазақстан Республикасына да таралуынан эпидемиологиялық ахуалдың асқынып бара жатуына байланысты «Самұрық-Энерго» АҚ Басқарма Төрағасының 13.03.2020 ж. №29-б бұйрығы шықты және «Самұрық-Энерго» АҚ Басқарма Төрағасының Офис Жетекшісінің 16.03.2020 ж. №08-01-26/760 хатында осы бұйрыққа сәйкес орындалуы тиіс шұғыл тапсырмалар беріліп отыр.
Біз коронавирустың алдын алу және оған жол бермеу жөнінде іс-шаралар жоспарын және осы бағытта жұмыс жүргізетін штаб құрдық.
Енді өз еңбек ұжымымызда адамдардың денсаулығы мен өміріне қауіп төндіретін вирусқа қарсы шаралар атқаруға тиісті медициналық-санитарлық, дезинфекциялық және антисептик құралдар мен қосымша заттарды жедел түрде сатып алып, күнделікті қолданып отыруымыз талап етіледі.
Сондықтан кәсіпорын есебінен аталған мақсатқа жұмсау үшін тиісті қаржы бөлуді және ол қаржыны кәсіподақ комитетінің есеп-шотына аударып беру туралы шешім қабылдауды ұсынамын. Қаржы мақсатқа сай жұмсалуын қатаң бақылауға алынуы тиіс.
Осы ұсыныс Басқарма мүшелері С.М. Сайманов және Ә. Б. Үсіпбек және штаб мүшелері тарапынан толық қолдау тапты.
Коронавирус инфекциясының таралуына жол бермеу және оның алдын алу шараларына қажетті медициналық-санитарлық, антисептик құралдар мен қосымша заттарды сатып алу үшін кәсіпорын есебінен тиісті мөлшерде қаражат бөлінді және осы қаржыға қажетті құралдар сатып алынып, қолданысқа енгізілді.
ХХХХХХХ
Дүние жүзінде пандемия деп жарияланған коронавирус (штамм 2019-nCoV) инфекциясының Қазақстан Республикасына да таралуынан эпидемиологиялық ахуалдың асқынып бара жатуына байланысты жедел жауап беру және алдын алу шараларын көру үшін «Шардара су электр станциясы» АҚ – да құрылған штаб құрамы:
Ә. Берлібаев – Басқарма Төрағасы;
С. Сайманов – Басқарма Төрағасының орынбасары – Бас инженер;
Ә. Үсіпбек – Басқарма Төрағасының қаржы-экономикалық мәселелер бойынша орынбасары;
Ә. Аманов – қамтамасыз ету басқармасының бастығы, кәсіподақ комитетінің төрағасы;
Е. Шойбеков – өнеркәсіптік қауіпсіздік, еңбекті қорғау және қоршаған ортаны қорғау басқармасының бастығы;
Н. Сахова – бас бухгалтер;
Б. Тұтқабаев – жоспарлау-экономика бөлімінің бастығы;
М. Қанжігітов – заң басқармасының бастығы;
Қ. Лесбеков – өндірістік-техникалық бөлім бастығының орынбасары (Штаб хатшылығын қоса атқарады);
Ү. Құралбай – баспасөз хатшысы.
ХХХХХХХХХ
«Шардара су электр станциясы» АҚ – ның коронавирус инфекциясының алдын алу және оның таралуына жол бермеу бойынша іс-шаралар жоспары
|
№№ |
Іс-шаралар |
Мерзімі |
Жауаптылар |
|
1. |
Дүние жүзінде пандемия деп жарияланған коронавирус (штамм 2019-nCoV) инфекциясының Қазақстан Республикасына да таралуынан эпидемиологиялық ахуалдың асқынып бара жатуына байланысты оның алдын алу және таралуына жол бермеу мәселелері бойынша «Самұрық-Энерго» АҚ–ның Штабымен және мемлекеттік органдармен,Шардара ауданы, Түркістан облысы әкімдіктерімен бірлескен іс-қимылдар жасауға өкілетті адамдарды белгілеу |
16.03.2020 ж. |
Ә. Берлібаев С. Сайманов Ә. Үсіпбек |
|
2. |
Дүниежүзілік денсаулық сақтау ұйымының коронавирустық инфекцияның жаңа түрінен қорғану бойынша талаптарын Қоғам қызметкерлеріне таныстырып, жеткізіп беру |
16.03.2020 ж. |
Ә. Аманов Е. Шойбеков Ү. Құралбай |
|
3. |
Адамдармен жанаспайтын (контакт болмайтын) медициналық термометр сатып алу, Қоғамдағы қызметкерлер мен сырттан келушілерді жанаспайтын термометрия жасап отыру (қажет болса) |
Тұрақты |
С. Сайманов Ә. Үсіпбек Ә. Аманов |
|
4. |
Қоғамға адамдардың қолдарын антисептикпен өңдейтін санитайзерлер сатып алып, орнату |
16.03.2020 ж. |
Ә. Аманов Н. Сахова |
|
5. |
Қазақстан Республикасы бас санитарлық дәрігерінің 2020 жылғы 4 наурыздағы № бұйрығына сәйкес қолайсыз эпидемиологиялық ахуал орнаған елдерге іссапарларды және ел ішіндегі қызметтік іссапарларды шектеу |
Ә. Берлібаев С. Сайманов Ә. Үсіпбек |
|
|
6. |
Адамдарды көп жинайтын салтанатты, мәдени-көпшілік шаралар өткізуді шектеу |
Тұрақты |
Ә. Берлібаев С. Сайманов Ә. Үсіпбек Ә. Аманов |
|
7. |
Қоғам қызметкерлеріне жұмыстан тыс кезде адамдар көп жиналатын жерлерге баруды шектеуге кеңес беру |
Тұрақты |
Ә. Берлібаев С. Сайманов Ә. Үсіпбек Ә. Аманов Е. Шойбеков Н. Сахова Б. Тұтқабаев М. Қанжігітов Қ. Лесбеков Ү. Құралбай |
|
8. |
Қоғамға сырттан келушілерді шектеу |
Тұрақты |
Ә. Берлібаев С. Сайманов Ә. Үсіпбек Ә. Аманов |
|
9. |
Қоғамдағы жұмыс орындарында жаңа коронавирустан сақтану жөніндегі хабарламаларды көрнекі құралдар ретінде орналастырып қою |
16.03.2020 ж. |
Ә. Аманов Е. Шойбеков Н. Сахова Б. Тұтқабаев М. Қанжігітов Қ. Лесбеков Ү. Құралбай |
|
10. |
Қоғамдағы қызметтік бөлмелерді, жиһаздарды, есіктер мен олардың тұтқаларын дезинфекциялық арнайы құралдармен өңдеп отыруды қатаң жүргізу |
Тұрақты |
С. Сайманов Ә. Үсіпбек Ә. Аманов Е. Шойбеков |
«Шардара су электр станциясы» акционерлік қоғамы
Басқармасының Төрағасы туралы
«Шардара су электр станциясы» акционерлік қоғамының (бұдан әрі – Қоғам) жалғыз акционері – «Самұрық-Энерго» акционерлік қоғамы басқармасының 2020 жылғы 11 ақпандағы шешімімен (№3 хаттама) Қоғамның Басқарма Төрағасы қайта сайланды.
Бақытбек Қайыпжанұлы Жаңабаевтың Қоғам Басқармасының Төрағасы ретіндегі өкілеттігі мерзімінен бұрын тоқтатылды.
Осы шешіммен Әнуар Әмірбайұлы Берлібаев Қоғам Басқармасының Төрағасы лауазымына сайланды.
Қоғам Басқармасының Төрағасы Әнуар Әмірбайұлы Берлібаев өзінің лауазымдық міндеттерін атқаруға кірісті.
Әнуар Әмірбайұлы Берлібаевтың өмірбаяндық деректері
Әнуар Әмірбайұлы Берлібаев, 1976 жылы туылған, қазақ, білімі жоғары, 1999 жылы Алматы қаласында Қ. Сәтпаев атындағы Қазақ Ұлттық Техникалық университетін тау-кен инженері электромеханик біліктілігі бойынша және 2015 жылы Халықаралық бизнес академиясын іскерлік әкімшілік магистрі біліктілігі бойынша бітірген.
Өндірістік кәсіпорындарда қызмет атқара жүріп, қазақстандық және халықаралық сертификаттаулар бойынша және біліктілігін көтеру курстарында оқып, оларды дәлелдейтін дипломдар мен куәліктер алған.
Еңбек жолын Алматы қаласында банк саласында бастаған.
Мамандығы бойынша жалпы жұмыс өтілі 20 жылдан асады, оның ішінде өндірістік компаниялардағы басшылық лауазымдарда 11 жылдан асады:
«Станция Экибастузская ГРЭС-2» АҚ– ның Басқарма Төрағасы 2019 жылғы наурыздан 2020 жылдың ақпанына дейін;
«Мойнақ СЭС» АҚ – ның Басқарма Төрағасы (Бас директор) – 2014 жылдың шілдесінен 2019 жылдың ақпанына дейін;
«Маңғыстау таратушы электр желілік компаниясы» АҚ – ның Басқарма Төрағасы, 2011 жылдың наурызы – 2014 жылдың шілдесі.
«Алатау Жарық Компаниясы» АҚ Басқарма Төрағасының орынбасары (2008-2009 ж.ж.), «Алматы Пауэр Консолидейтед» АҚ – да 2001-2008 жылдары атқарушы директор, коммерциялық директор, қаржылық директор, құрамдас бөлімшелерінің басшысы қызметтерінде болды.
Еңбектегі оң жетістіктері үшін мына наградаларға ие болған:
«Қазақстан Республикасы тәуелсіздігінің 20 жылдығы» мерейтойлық медалі, Қазақстан Республикасы Президентінің Алғыс хаты, «ТМД еңбек сіңірген энергетигі», KAZENERGY медалі, Солнечный поселкесі әкімінің және Екібастұз қаласы әкімінің Алғыс хаттары.
