"Шардара СЭС" АҚ қызметкерлерінің жалпы саны 136 адамды құрайды. "Самұрық-Энерго" АҚ Басқармасымен 30.12.2022 ж.бекітілген "Шардара СЭС" АҚ қызметкерлерінің штаттық саны және ұйымдық құрылымы (№46 хаттама).
Басқарма төрағасын, Басқарма Төрағасының орынбасары – Бас инженерді, Басқарма Төрағасының қаржы-экономикалық мәселелер жөніндегі орынбасарын қоса алғанда, Қоғам басқармасының құрамын сайлауды жалғыз акционер жүргізді ("Самұрық-Энерго" АҚ Басқармасының 20.12.2021 ж. №35 хаттамасы).
"Шардара су электр станциясы" акционерлік қоғамында кадрлармен жұмыс жасауға ерекше көңіл бөлінеді. Біздің қызметкерлеріміздің білім деңгейі мен іскерлік біліктілігін арттыру мүмкіндігі бар. Үнемі семинар сабақтары, жабдықтарды пайдалану, қауіпсіздік техникасы және еңбекті қорғау мәселелері бойынша тестілеу өткізіледі. Инженерлік-Техникалық персоналдың атқаратын лауазымдарына сәйкестігіне жүйелі түрде емтихандық тексерулер жүргізіледі.
"Шардара СЭС" АҚ филиалдары мен өкілдіктері, еншілес және тәуелді акционерлік қоғамдары түрінде оқшауланған құрылымдық бөлімшелері жоқ, сондай-ақ басқа шаруашылық жүргізуші субъектілермен бірлескен қызметті жүзеге асырмайды. Сонымен қатар, қоғам таяу болашақта оқшауланған құрылымдық бөлімшелер құруды және бірлескен қызметті жүзеге асыруды жоспарламайды.
Қоғамның ұйымдық құрылымына мыналар кіреді:
- Басқарма Төрағасы;
- Басқарма Төрағасының орынбасары-Бас инженер;
- Басқарма Төрағасының қаржы-экономикалық мәселелер жөніндегі орынбасары;
- Бас инженердің орынбасары;
- Өндіріс бойынша бас сарапшы;
- Корпоративтік хатшы;
- Тәуекелдерді басқару және ішкі бақылау жүйесі бойынша менеджер;
- Бухгалтерия;
- Жоспарлау-экономикалық бөлім;
- Қамтамасыз ету басқармасы;
- Заң басқармасы;
- Өндірістік-техникалық бөлім;
- Өнеркәсіптік қауіпсіздік, еңбекті және қоршаған ортаны қорғау басқармалары.
