БЕС ҮЙГЕ КІРГЕН БЕРЕКЕ
«Шардара СЭС» АҚ-ында бекітіліп, жүзеге асырылып жатқан әлеуметтік саясат аясында тұрмыс жағдайы төмен отбасы балаларына көмек көрсету, оларды толық қамтуға жағдай жасау мақсатында және «Мектепке жол» жалпыреспубликалық қайырымдылық акциясының шеңберінде бес балаға оқу жылына дайындалуға жағдай жасалды. Әрбір оқушы балаға бөлінген қаражат – 50 000 теңге. Жалпы, жұмсалған қаражат 250 000 теңгені құрайды.
Біздің ұжым мен оның кәсіподақ комитеті «Мектепке жол» жалпыреспубликалық қайырымдылық акциясына 11 жылдан бері үздіксіз қатысып келеді және бұл игі шараға қатысуды дәстүрге айналдырғанбыз.
«Шардара СЭС» АҚ кәсіподақ комитеті
