Қарттарым, аман-сау жүрші!
«Шардара СЭС» АҚ кәсіподақ ұйымының ұйымдастыруымен 1 қазан -Қарттар күніне орай «Қарттарым, аман-сау жүрші!» деп ұрандатқан энергетиктер Қоғамда қажырлы еңбек етіп, зейнеткерлікке шыққан жалғызілікті және мүмкіндігі шектеулі қарттарымызға көмекке барды.
Крянникова Валентина Александровнаның үйіне барып, қос білекті сыбанып жіберіп, асарлаттық. Қысқа дайындық есебінде ағаштарын кестік, су құбырларын тазалап, шаруашылығы мен тұрмысын жөнге келтірдік. Сонымен қатар Миронова Тамара Архиповнаның көшеден кіре беріс дарбазасы жөндеуден өткізіліп, сырланы. Үй жапсарлас салынған отын сақтау бөлмесінің шатыры жаңаланып, ауыстырылды. Ардагерлердің айтуынша, оларға қымбаты жәрдем емес, шәкірттерінің келіп, хал-жағдай сұрасқаны екен. Сондықтан болашақта қарттарымызға жиі-жиі барып тұруды әдетке айналдыру керек деп шештік.
Қол жәрдемінен тыс «Шардара су электр станциясы» Акционерлік қоғамында қайраты барында қажырлы еңбек еткен 36 зейнеткерімізге қаржылай көмек берілді. Жалпы босатылған қаражат 1 346 004 теңгені құрады.
Суретте: «Валентина Александровна шәкірттеріне дән риза».
