Оқу-жаттығудың мақсаты — СЭС аймағында опырылу (жер көшкіні) орын алған жағдайда персоналдың төтенше жағдай кезіндегі іс-қимылдарын тәжірибе жүзінде пысықтау, сондай-ақ хабарландыру, эвакуация, байланыс және шұғыл қызметтермен өзара іс-қимыл жүйелерінің дайындық деңгейін тексеру болды. Бұдан бөлек, оқу-жаттығу персоналды адамдардың өмірі мен денсаулығын қорғау және ықтимал апаттардың салдарын барынша азайту іс-қимылдарына үйретуге бағытталды.
Оқу-жаттығуға Төтенше жағдайлар министрлігінің, жедел жәрдем қызметінің өкілдері, күзет қызметі қызметкерлері, сондай-ақ станцияның жедел және инженерлік-техникалық персоналы қатысты.
Оқу-жаттығудың аңызы:
Ұзаққа созылған жауын-шашынның салдарынан су қоймасы маңындағы беткейлердің тұрақтылығы бұзылды. Соның нәтижесінде топырақ опырылып, су тастау арнасының бір бөлігі жабылып қалды. Бұл жағдай гидротехникалық құрылыстардың бір бөлігінің бұзылу және төменгі ағыста орналасқан аумақтардың су астында қалу қаупін туғызды.
Оқу-жаттығу барысында персоналды жедел хабарландыру және эвакуациялау, төтенше жағдай қызметтерімен өзара іс-қимылды ұйымдастыру, сондай-ақ құрылыстардың одан әрі бұзылуына жол бермеу және ықтимал залалды азайту жөніндегі алғашқы шаралар пысықталды. Байланыс, хабарландыру және жедел әрекет ету жүйелерінің жұмысқа қабілеттілігі тексерілді.
Оқу-жаттығу қорытындысы бойынша СЭС персоналының жоғары дайындық деңгейі мен төтенше жағдай кезінде сауатты әрекет ету қабілеті атап өтілді. Оқу-жаттығу сәтті өтті, көзделген мақсаттар мен міндеттер толық көлемде орындалды.
