1 қазанда Халықаралық қарттар күніне орай «Шардара су электр станциясы» АҚ кәсіподақ комитеті «Қарттарым аман-сау жүрші» деген ұранмен мерекелік іс-шара өткізді. Кездесуге ұзақ жылдар бойы станция ұжымында жұмыс істеген 38 зейнеткер — еңбек ардагерлері шақырылды. Көп жылғы адал еңбегі үшін құрмет пен алғыс белгісі ретінде барлық шақырылған зейнеткерлердің жеке шоттарына жалпы сомасы 1 664 208 теңге ақшалай қаражат аударылды, және сыйлық тапсырылды. Кездесудің жылы атмосферасы, ризашылық сөздері мен аға буынға көңіл бөлу станцияның еңбек ұжымы ұрпақтарының қамқорлығы мен сабақтастығының нағыз көрінісі болды.
